कोरांव में गांजा, बम के साथ हिस्ट्रीशीटर गिरफ्तार
प्रयागराज (the live ink desk). अपराधी के खिलाफ चलावल जा रहल अभियान के क्रम में अपराधी के गिरफ्तारी लगातार जारी बा। कोराँव पुलिस आजु एगो शातिर के गिरफ्तार कर लिहले बिया। उनुका लगे से 5.1 किलो गांजा बरामद भईल बा। इ जानकारी देत प्रभारी निरीक्षक धीरेन्द्र सिंह बतवले कि कोराँव थाना के उप निरीक्षक सौरभ कुमार वर्मा अपना टीम के संगे हिस्ट्रीशीटर के गिरफ्तार क लेले बाड़े।
इलाका के करपिया (राइस मिल गाँव के लगे) में मुखबिर के जानकारी पर ई गिरफ्तारी कइल गइल बा। कोरांव पुलिस के ओर से पकड़ल वांछित सूरज हेला पुत्र रामलाल हेला (निवासी वार्ड नंबर एक, अंबेडकर नगर, कोराँव) के तलाशी के दौरान उनुका लगे से पांच किलो, 100 ग्राम गांजा बरामद भईल बा। एकरा अलावे आधा दर्जन हाथ के बनावल बम भी मिलल बा।
यह भी पढ़ेंः लूट के पर्दाफाश हो गइलः दु गो चचेरा भाई गिरफ्तार, 4.69 लाख बरामद
पुलिस सूरज हेला के खिलाफ एनडीपीएस एक्ट अवुरी एक्सप्लोसिव पदार्थ एक्ट के तहत मामला दर्ज कर चालान भेजले बिया। सूरज हेला के खिलाफ प्रयागराज के संगे-संगे मिर्जापुर अवुरी सोहागी (रींवा, मध्य प्रदेश) में मामला दर्ज बा। कोराँव थाना प्रभारी धीरेन्द्र बतवले कि कोराँव थाना में सूरज के खिलाफ अलग-अलग धारा के आठ मामला दर्ज बा। एकरा अलावे करछना में दुगो, मेजा थाना में एगो, धूमनगंज थाना में एगो, लालगंज (मिर्जापुर) थाना में एगो अवरू सोहागी (रींवा) थाना में एगो मामला दर्ज भईल बा।
यह भी पढ़ेंः इंटरसिटी की चपेट में आने से युवती की मौत
